Gaur bost urte bete dira Mikel Laboa hil zenetik. 2008ko abenduaren 1ean hil zen musikari donostiarra, 74 urte zituela. Ez dok amairu taldearen sortzaileetako bat izan zen Laboa, baita euskal kantagintzaren berritzailea ere. 1934an jaioa, Gerra Zibil garaian, Donostiatik Lekeitiora ihes egin behar izan zuen familiarekin. Debeku eta zentsura urte haietan, gitarra hartu eta barneko sentimenduei doinua jartzen hasi zen, euskal musika aire berriekin bustiz. Euskalgintzari kolorea jarri zion Laboak, eta gure musikaren mito bilakatu zen.
Iturria: eitb.com
via @BakartxoR: Bete ezinezko hutsunea. “@eitbcomBerriak: Bost urte Mikel Laboa gabe http://t.co/6tlTuxgYoD”