Kontatzen du Bernardo Atxagak bere azken liburuan, zelan, Renon zegoela, afari batean tipografo profesional bat ezagutu zuen, eta galdetu ziola zer letratipo izan zitekeen egokia Z eta K asko dituen hizkuntza batentzat, euskara adibidez. Eta hark erantzun Menhart izan zitekeela bat, Oldrich Menhart tipoegile txekiarrak 1934an egina, zeren Menhart-ek txekiera baitzuen gogoan hura diseinatzerakoan, eta txekierak ere Z eta K asko baititu. Interneten bilatu, eta aurkitu dugu Menhart letratipoa, eta interesgarria iruditu zaigu euskarazko prentsa eta argitaletxeentzat. Egin aproba.
Gaur egun Linotype etxeak saltzen du Menhart letratipoa zortzi familiatan: normala, italikoa, beltza… Hala ere, ezer erosi barik ere, aukera ematen du ikusteko zelan irakurtzen den Menhart letratipoa norberaren hizkuntzan. Nahi baduzue, egin aproba, ikusi eta atera kontuak.