2014ko urriaren 7ra arte egongo da aukera izena emateko Euskal Kulturgintzaren Transmisioa aditu tituluaren 5. edizioan. Mondragon Unibertsitateak eskaintzen duen titulu propioa hasiko da urriaren 18an, hilean behineko saioekin, asteburuetan, Eskoriatzako campusean.
Aurreko lau edizioetan bezala, euskal kulturaren izen ospetsu askok hartuko du parte 5. edizio honetan; horietako zenbaitek gogoeta berezia egingo dute euskaldunon nazio kulturalaren aurrerabideaz.
Euskal Kulturgintzaren Transmisioa aditu tituluaren aurrez aurreko eskola teoriko-praktiko-ludikoak egingo dira hilean behineko saioetan (larunbatean hasi, 09:00etan, eta igandean bukatu, 17:00etan). Ikastaroaren egutegiari dagokionez, eskolak hasiko dira 2014ko urriaren 18an eta amaituko dira 2015eko ekainaren 14an. Saio guztiak izango dira Eskoriatzako campusean, eta behar izanez gero, inguruan lo egiteko aukera ere eskainiko da.
Informazio gehiagorako (hizlarien zerrenda osoa, jorratuko diren gaiak, egutegia, ordutegia, prezioa…): http://www.mondragon.edu/eu/huhezi/aktualitatea/albisteak/ekt5
Edozein zalantza argitzeko: kulturgintza@mondragon.edu