Donostia 2016 Europako Hiruburutza proiektuarekin lankidetzan, EIZIEk hainbat jarduera antolatu ditu Shakespeareren A Midsummer Night's Dream (Uda-gau bateko ametsa) obraren itzultze-prozesua gizarteratzeko. Jarduera horietako lehena Itzulpengintzaren Nazioarteko Egunerako antolatu dugu –irailaren 30ean, 17:00etan–, EHUko Letren Fakultateko Gradu Aretoan, zuekin aritzeko asmoz: Itzultzailearen sukaldea (I).
Sukaldari nagusiak Juan Garzia–obraren itzultzailea–, eta Shakespeareren lanetan aditu/aritu diren hainbat lagun izango dira, baina interesa duen edonori zuzenduriko sukalde-jolaserako proposamena ere badakarte.
Sukalde-jolas horretan parte hartzeko, Juan Garziak berariazko materiala prestatu du, eta EIZIEren webgunean aurkituko duzue, informazio gehiagorekin batera, aldez aurretik lantzeko astia izan dezazuen.
Animatu!