Aurtengo topaketa Zornotzan (Bizkaian) izango da. Zornotzako Zaparrada Batukada eta Lasarteko Dinbi Banda Asialdi Elkartea elkarlanean topaketaren edizio berri hau gogo eta ilusioz prestatzen ari gara. Zer egongo da aurtengoan? Tailerrak, Euskal Herri guztiko batukaden emanaldiak, bazkaria, animazioa eta kontzertuak… Faltako ez dena noski, perkusioa eta ondo pasatzeko gogoa izango da! Eman izena taldeka nahiz banaka, perkusio zaleentzat egun osoko festa!
Izen ematea irekita dago Apirilaren 22ra arte (goizeko 10ak). Izena emateko gure webgunean duzuen inprimakia bete beharko duzue. Banaka edo taldean izena eman dezakezue.
Aurtengo leloa: Hemen eta han... TAKATAN!