Atzo izan zen Caf-Elhuyar sariak banatzeko ekitaldia, Tabakalerako Kutxa Kultur gunean (Donostia). Zientzia eta teknologiaren arloko gaiak eta ikerketak argitara ematen dituzten artikuluak, kazetaritza-lanak eta gizarteratzeko proiektuak aitortzea eta bultzatzea du helburu sariketak. Xabier Artaetxebarria Artieda eta Antton Alberdi Estibaritz ikertzaileak, eta Edu Lartzaguren Urdangarin kazetaria izan dira sarituak. Enrique Hurtado Mendietak, berriz, Txalaparta digitala eta interaktiboa proiektua garatzeko beka jaso du; eta Kepa Altonaga Sustatxarentzat izan da Merezimendu Saria.
Iturria: elhuyar.eus
via @Elhuyar: Kultura zientifikoa sustatzeko lanak eta proiektuak nabarmendu dira #cafelhuyar sarietan https://t.co/tfIHximylZhttps://t.co/D3YIzWGc0t