EAEko Auzitegi Nagusiak ebazpen irmo bat eman duela jakinarazi du Uemak, eta guztiz oztopatuko dituela Urkijok hasiriko auzibideak. "Honekin behin betiko amaitzen da gai honek epaitegietan egin duen bidea, oraindik zabalik dauden gainerako epaiak ebazteko irizpidea ezarri duelako EAEko Auzitegi Nagusiak". Udalerri Euskaldunen Mankomunitate Uemako ordezkariek ohar bat plazaratu zuten atzo hizpide hartuta hilaren 3an EAE Euskal Autonomia Erkidegoko Justizia Auzitegi Nagusiak emandako epai bat; izan ere, Aramako Udalak (Gipuzkoa) euskarazko aktak egitearen aldekoa da ebazpena, eta irmoa, kontrako helegiterik onartzen ez duena.
Iturria: berria.eus
via @robergutierrez: «Behin betiko» babesa eman die justiziak udalen euskarazko aktei https://t.co/HwRC6xj76j