Tokiko zenbait hedabide euskaldunek "porrak" jarri dituzte sarean, ea beren irakurleek igandeko Eusko Legebiltzarrerako hauteskunde-emaitzak asmatzen dituzten. Horien datu batuketa aurkezten dizuegu hemen: inkestek diotenarekin bat datoz herritarrak.
Adi, "porrak" ez dira inkestak: hedabideetan ez zaie galdetzen zer bozkatu behar duten, baizik eta norberaren ustea, ea zer pentsatzen duten egingo duela alderdi bakoitzak.
Porra hauek CodeSyntax-en garapen bat izan dira (Sustaturen kudeatzaileak), eta emaitza bateratuak, dagoeneko ehundaka herritarren iritziekin, ostegun eguerdira artekoak dira. Porrak irekita daude hedabideetan, eta kasu batzuetan, asmatzaileentzat sariak ere badira. Hedabide hauetan aurkituko dituzue porrak, oraindik irekita daude gainera:
- Arabako Alea
- Baleike (Zumaia)
- Plaentxia.eus
- Karkara (Orio, Aia)
- Goiena
- Zarauzko Hitza
Herritarren iritzia bat dator inkestek diotenarekin. Inkestak jarraitzen ditugulako, izango da, hedabideetan hau eta bestea irakurrita... Edo soziologo eta politologo finak garela, bestela.
Hauxe da, laburbilduta, grafikoetan ikusten dena:
- EAJ 25-27
- EH Bildu 16-18
- Elkarrekin Podemos 14-15
- PSE-EE 8-10
- PP 7-8
- Ciudadanos 0-1
Beste hedabide batzuek ere egin dituzte batuketa batzuk, inkestetan oinarrituak, eta antzeko datuak atera dituzte. Enekoitz Esnaola Berriako kazetariak honako datu ertainak batu ditu:
a) Batez bestea:
— Enekoitz Esnaola (@EnekoitzEsnaola) September 22, 2016
- EAJ 26-27 aulki (26,9ko b. bestea)
- EH Bildu 16-17 (16,1)
- Elk. Podemos 14-15 (14,8)
- PSE-EE 8-9 (8,9)
- PP 7-8 (7,7)
El Pais egunkarian Galiziako datuen ertainak argitaratu dituzte, ikusiko dugu ea EAEkoa egiten duten hurrengo orduetan.
Inkesten laburpenerako, hemen sarean zabaldu den grafiko bat:
