Bide Ertzean taldeak argitalpen berria plazaratuko du laster. "Zutaz kantatzeko" du izena lan berriak eta bi osagai izango ditu:Jon Eskisabel kazetariak idatzitako liburua batetik, eta bitxikeriez osaturiko CD bilduma bestetik. Biak, liburua eta diskoa, bata bestearen osagarri dira. Kasu, argitalpen berri honen tirada mugatua izango da-eta. 18 urteotan pilatu zaizkien bitxikeriak batu dituzte CDan. Zuzeneko emanaldi gutxi batzuk eskainiko dituzte abenduan eta kontzertu horien ondoren, Bide Ertzean-ek etenaldi bat egingo du. Bolada luze batean, beraz, Bide Ertzean taldea zuzenean ikusteko aukera bakarrak izango dira hauek.
Iturria: hotsak.com
via @bidertzean: #ZutazKantatzeko Gaztelupeko Hotsak diskoetxeak gure lan berriaren berri eman du oraintxe: https://t.co/kHz24WzQGL