Hizkuntza Politikarako Sailburuordetzaren (HPS) zereginetako bat euskarazko hizkuntza-baliabideak eguneratzea eta Interneten jartzea da. Hauek dira oraingo honetan guztion eskura jarri dituen produktu berriak: Xuxen zuzentzaile ortografikoa gailu mugikorretarako, Elhuyar hiztegien plugin eguneratuak, eta euskarazko oinarrizko softwarea nola instalatu erakusten duten 5 bideo.
Produktuak doakoak dira eta guztiak hemen eskura daitezke. Gainera, beste helbide hauetan ere hartzeko aukera dago:
- Xuxen zuzentzailea iPhone eta iPad-entzat, Apple Store-n
- Xuxen zuzentzailea Android eta Android Tablet-entzat, Google Play-n
- Euskarazko aplikazio batzuk nola instalatu eta nola erabili behar diren erakusten duten 5 bideo, YouTube-n: Windows 7ren euskarazko interfaze-paketea, Microsoft Office 2007ren euskarazko interfaze-paketea, Open Office.org-ren 3.3ren euskarazko bertsioa, Euslinux eta Xuxen zuzentzaile ortografikoa. UZEIren Sinonimoen hiztegiaren eta Elhuyar hiztegien pluginak.
Eleka Ingeniaritza Linguistikoa S.L. enpresak garatu ditu produktuak HPSren enkarguz.