Metroan ibiltzea tokatu zait igande honetan. Erdialdeko geltokietako panel elektronikoetan fijatu naiz, beste askotan bezala. Amu ederra dira ni bezalako teknopaton arreta erakartzeko. Sarritan erreparatzen diet: zentzugabekeria galantak izaten direlako gehienetan, eta euskarazko itzulpen automatikoak Marimaistra odolusteko modukoak direlako. Baina gaurkoa larregi izan da. Ahobete hortz utzi nau 'albisteak', begiak igurtzi egin behar izan ditut, ikusten ari nintzena ezin sinetsita. Gure erakunde publikoek sortutako garraio publiko batean, gure zergekin ordaindutako panel elektroniko sarean, zer eta ondoko mezu hau irakurri dugu igandean bertatik pasatu garen milaka erabiltzaileok: "El español, el idioma más positivo del mundo".
Iturria: uriola.info
via @joxe: Munduako hizkuntzarik positiboena http://t.co/KFthW8gUYv via @uriolainfo