Azpeitiko Sanagustin kulturgunea udaberrian zuhaitzak bezala hazi eta loreztatu egingo da. Kolorea emango diogu kulturguneari urtaroarekin adostasunean jartzeko eta bidelagun izango ditugu Euskal Herriko kulturgintzan puntan dabiltzen antzezle eta abeslari/taldeak. Puri-purian daudenak guztiak; batzuk herriz herri jendaurrean dabiltzanak areto guztiak betetzen eta beste batzuk beraien lanak ateratzear eta bira hastear daudenak. Beraz, eguzkia berotzen hasten denerako Sanagustinek ekitaldi freskoak ditu eskaintzeko ('freskoa' eta 'labea' elkarren ondoan jarrita sortzen den kontraesana barkatuko didazue, baina esan ohi den gisan, labetik atera berriak diren lanak ditugu eskaintzeko).
↧